公共年金 VS 私營年金 投保年齡、年金類別、保費金額、年金收入……各有不同！
目前市面上的年金有分「公共年金」同「私營年金」，前者由香港政府推動，由按揭證券公司旗下香港年金公司提供，叫做「香港年金」；後者則係由各間保險公司提供。兩種年金各具特色，大家響購買前不妨先了解清楚。
公共年金「香港年金」
由香港政府推動的首個公共年金「香港年金計劃」，由按揭證券公司旗下香港年金公司提供。香港年金為即期終身年金，投保人必須年滿60歲或以上，一筆過繳付保費後，每月可獲得保證的年金收入，直到百年歸老。
香港年金保證投保人收取的累積保證每月年金金額，不少於已繳保費的105%。投保時年齡愈高，需要一筆過繳付的保費愈多（上限300萬元），而每月所得年金亦會愈多。
私營年金
不同於公共年金為即期年金，由各間保險公司推出的私營年金有各種選擇，例如：延期年金、終身年金同定期年金。消費者可以響後生時投保，等資金響累積期內積存生息同繼續投資，等一段時期後（例如退休時）先開始領取年金收入。私營年金亦比公共年金更有靈活性，好多項目如貨幣、儲蓄年期、年金提款期等，都可以根據個人需要自由選擇。
不過要留意，私營年金的年金收入多數分做「保證」同「非保證」，「非保證」顧名思義係唔保證收入，而響極端情況下，「非保證」部分可以係零。大家響購買年金前，最好先了解產品特性，同埋諗清楚自己需要及風險承擔能力，先再作決定。