【長者日2022】65歲或以上11月20日 免費搭九巴、龍運巴士 無長者咭都搭得？
11月20日就係「長者日」，繼港鐵早前宣佈65歲或以人士可於長者日免費搭港鐵、輕鐵、港鐵巴士後，九巴亦宣佈年滿65歲人士當日可以免費搭九巴同埋龍運巴士！
九巴指，65歲或以上人士可於2022年11月20日（星期日）當日，免費乘搭九巴同龍運巴士，P960、P968線除外。合資格人士只需於上車時向車長出示「長者咭」、香港身份證、旅遊證件，或以長者八達通或樂悠咭繳付車資，就可以免費搭車，當日該八達通所扣除的車資將設定為$0。如果仲未申請長者咭／長者八達通／樂悠咭的話，可以出示香港身份證或旅遊證件以證明符合免費搭車資格。
至於60至64歲持「樂悠咭」人士亦可繼續享用2元乘車優惠。