免費代寄聖誕卡！順豐香港98個收集點 16/12前免費領取聖誕卡&速遞芬蘭聖誕老人村
成日好想試下寄聖誕卡畀聖誕老人，但幾十年嚟一直都無實行，今年見順豐香港再舉辦「給聖誕老人的信」活動，唔單止免費送聖誕卡畀大家，仲會免費幫手寄去芬蘭聖誕老人村，個活動去到12月16號咋，要帶埋孫仔孫女一齊去寄聖誕卡先得！
順豐香港「給聖誕老人的信」活動，免費幫大家速遞聖誕卡或信件去芬蘭羅瓦涅米聖誕老人村，大家可以去指定順豐站免費領取聖誕卡 (數量有限，先到先得)，再投入全港共98間順豐站及指定營業點的「給聖誕老人的信」收集箱就得。不過要留意意返，聖誕卡或信件重量須為10克內，體積不超過8.27 × 11.69寸（即A4大小）。
除咗順豐站同指定營業點，順豐香港亦會響「第56屆工展會」及「兒童書展暨超級親子用品展」期間，在順豐香港的展位內收集聖誕卡及信件。
「給聖誕老人的信」活動詳情
日期：即日起至2022年12月16日（指定順豐營業點及順豐站^的營業時間內）
費用：全免
限制：重量不超過10克、體積不超過8.27×11.69吋
參加辦法：自備／使用順豐香港免費提供的聖誕卡以撰寫聖誕信件，於推廣期內，投入至指定順豐營業點及順豐站^的「給聖誕老人的信」收集箱內，順豐香港將免費把信件統一寄出至芬蘭羅瓦涅米聖誕老人村
（建議可在信封上寫上回郵地址，聖誕老人有機會回信*）
設有「給聖誕老人的信」收集箱的指定順豐營業點及順豐站：按此