本地漁農美食嘉年華2022｜聖誕期間免費入場 香港優質水產/ 蔬果 超過300個攤位
想買優質嘅本地靚貨，今個聖誕就要去旺角花墟嘅「本地漁農美食嘉年華」，有大量本地優質漁農產品，齊齊揀靚菜靚魚返屋企，支持本地漁夫農夫、支持本地魚菜！嘉年華仲有展覽同表演睇，千祈唔好錯過！
第17屆本地漁農美食嘉年華會響2022年12月25至27號響旺角花墟公園舉行，免費入場！場內有超過300個攤位，除咗販售本地有機／優質漁農產品之外，亦有賣各式食品、鮮花同盆栽。
場內仲有一連串文娛活動，包括演藝紅李龍基、李麗霞、陳浩德獻唱，仲邀請到米芝蓮三星名廚謝錦松師傅分享入廚心得。另外仲有中國國術總會醒獅表演、爵士流行音樂演奏、粵曲獻唱、養生講座等等，活動相當豐富。
今年嘅嘉年華特別將香港漁農業高新應用技術推薦給大家，包括：農業機械區、水耕科技種植區、智能溫室科技區、特色農作物展覽區、深海網箱養殖區、紅潮監察區，同埋循環水養殖系統區，等大家更了解香港本地高技術漁農作業成果。
第17屆本地漁農美食嘉年華
日期：2022年12月25日至27日
時間：上午10時 至 晚上8時
地點：旺角花墟公園
費用：免費
大會場刊：按此
官網：按此