大腸癌篩查｜1947至1973年出生人士 1/1起符合資格參加篩查計劃 獲資助$280
衞生署早前宣佈，1947至1973年出生嘅香港居民，由2023年1月1日起，符合資格參加大腸癌篩查計劃。
大腸癌篩查計劃資助50至75歲、無大腸癌徵狀嘅香港居民每兩年響私營機構接受篩查，預防大腸癌。符合資格市民嘅出生年份每年年初更新。
參加計劃嘅人士應約見已參與計劃嘅基層醫療醫生，並由該醫生安排大便免疫化學測試。如大便免疫化學測試結果呈陽性，參加者會獲轉介到已參與計劃嘅大腸鏡醫生接受政府資助嘅大腸鏡檢查。如結果呈陰性，則建議參加者兩年後再接受篩查。
大腸癌係本港第二最常見嘅癌症。2020年，大腸癌新症有5,087宗。大腸癌亦係本港第二最常見嘅致命癌症，僅次於肺癌，67歲嘅藝人蘇施黃早前亦透露自己患上大腸癌第三期，已切除腫瘤並進行化療 (按此閱讀)。2021年，因患上大腸癌死亡個案有2,298宗。自計劃於2016年推出後，由2018年起錄得嘅大腸癌新症數目和年齡標準化大腸癌發病率有輕微下降。
衞生署發言人指，相關篩查可及早識別未出現病徵嘅大腸癌患者或高危人士，讓他們能夠及早接受治療，大大提高治癒率，而響大腸鏡檢查過程中切除大腸腺瘤，可避免演變成癌症。
大腸癌篩查計劃由政府大幅度資助，並無設定參加者限額。每次診症獲政府資助$280，包括大便免疫化學測試結果呈陽性後由基層醫療醫生提供第二次診症。在計劃下接受大腸鏡檢查基本服務時，如需切除瘜肉，會獲定額資助$8,500；若無需切除瘜肉，會獲定額資助$7,800。大腸鏡醫生在提供大腸鏡檢查基本服務時，可向參加者收取不多於$1,000嘅額外費用。
目前，超過1,030名基層醫療醫生參與計劃，診症地點約1,800個，當中約97%嘅診症地點不需收取額外費用。
參與計劃嘅大腸鏡醫生約有240名，在約680個診症地點提供大腸鏡檢查，當中超過70%嘅診症地點不會就大腸鏡檢查或若需切除瘜肉收取額外費用。
合資格人士如欲參加篩查計劃，應登記加入電子健康紀錄互通系統。詳情可瀏覽電子健康紀錄互通系統網頁，或致電3467 6300向申請及諮詢中心查詢。
有關篩查計劃嘅詳情，可瀏覽衞生署專題網頁或於辦公時間內致電熱線3565 6288。