TreasureDo Whatsapp Group

港島好去處|孫中山紀念館免費入場 導賞團/ 講座/ 工作坊費用全免

位於中環半山嘅孫中山紀念館,樓高四層,館內設有兩個常設展廳,展出多件珍貴歷史文物。紀念館唔單止常設展覽免費開放予公眾參觀,連導賞團、工作坊、特備節目都係費用全免,即刻睇下有咩玩啦!

孫中山紀念館館址「甘棠第」,1914年建成,原為香港商人何甘棠嘅宅第,整體建築屬愛德華時期嘅古典風格,內部裝修瑰麗堂皇,係香港現存少數嘅20世紀初建築物,響2010年被列為香港法定古蹟。

孫中山紀念館-免費

紀念館內展出多件珍貴歷史文物,配合多元化視聽節目,全面闡述孫中山先生嘅生平事跡,同埋香港響19世紀末至20世紀初嘅維新與革命運動中所扮演嘅重要角色。

想更了解孫中山先生生平或甘棠第歷史的話,可參加免費導賞服務,每節約1小時。導賞團每團名額20人,無需提早預約,先到先得,額滿即止。

孫中山紀念館

常設展覽導賞團詳情

粵語 (逢星期三) 下午2時
粵語 (逢星期六) 下午2時、4時
粵語 (逢星期日及公眾假期) 下午2時、4時
普通話 (逢星期六) 下午3時
英語 (逢星期日) 下午3時

探索甘棠第建築特色之旅詳情

粵語 (星期日) 下午4時30分

集合地點:紀念館2樓展覽廳入口處

工作坊費用全免

除咗導賞團之外,孫中山紀念館亦不時舉辦講座、工作坊、特備節目等活動供公眾免費參與,當中唔少都係教做小手作,2023年2、3月活動包括:路行車載:半山上的人力車、走進清華大學二校門:環保手機座製作、和諧粉彩工作坊:認識甘棠第歷史建築構件,費用全免。

大家可以撳入以下連結瀏覽活動詳情,有興趣參加的話先填妥報名表格,並於截止報名日期前以傳真、電郵或郵寄 (地址:中環半山衛城道 7 號 孫中山紀念館) 遞交,不接受電話報名。如活動超額報名,申請將以公開抽籤形式處理。

按此瀏覽免費活動及下載報名表

孫中山紀念館

地址:香港中環半山衞城道7號

開放時間:

星期一至三、五 - 上午10時至下午6時
星期六、日及公眾假期 - 上午10時至晚上7時
聖誕前夕及農曆新年除夕 - 上午10時至下午5時
星期四(公眾假期、孫中山先生11月12日誕辰及3月12日忌辰除外)、農曆年初一及二休館

前往方法:港鐵中環站D2出口, 沿皇后大道中步行至半山扶手電梯,再沿行人路步行約5分鐘

費用:免費

相關閱讀:免費活動!大館導賞團逢星期一至日免費參加 每節45分鐘認識大館逾170年歷史 (附報名連結)