昂坪360長者優惠 65歲或以上用優惠價搭纜車 比原價平$80 水晶車廂一樣搭得
疫情趨緩，不妨來個本地小旅行！想遠離市區，可以趁平日人少少搭纜車去行下昂坪市集，同埋遊覽天壇大佛。昂坪360長者優惠，65歲或以上可以用優惠價格搭依架世界十大最佳纜車！
昂坪纜車有分標準車廂同水晶車廂，每程纜車車程約25分鐘，大家可按照行程而揀搭單程或來回纜車往返東涌同昂坪。如果選擇來回的話，亦可以揀兩程都搭相同車廂，或去程搭水晶車廂往昂坪，回程搭標準車廂返東涌。
無論係搭標準車廂定標準車廂，只要係買來回門票的話，長者價都比原價平$80；如果係買單程門票，就會比原價平$55。
來回纜車門票
標準車廂：成人$235、長者$155
水晶車廂：成人$315、長者$235
東涌水晶車廂 / 昂坪標準車廂：成人$275、長者$195
單程纜車門票
標準車廂：成人$160、長者$105
水晶車廂：成人$200、長者$145
長者票價適用於65歲或以上之香港居民，大家記得要帶有效之香港身份證或者長者咭，以作年齡證明。