海洋公園優惠2022：生日免費入場／周年優惠低至半價／Visa信用卡購票再減$100
心思思想去海洋公園玩？就要留意海洋公園的最新門票優惠，同埋服務時間、入園安排，金銀島為你搜羅了海洋公園優惠2022，立即睇落去啦！
海洋公園的成人門票原價為$498，不過如果用以下優惠購買門票，可以慳返唔少，甚至免費入園！
優惠1：生日免費入場
香港居民響生日當日可以免費入場，憑「香港人生日免費門票」仲可以用9折購買「智紛全年入場證」。生日當日記得帶埋香港身份證明文件或香港出生證明書，響正門售票處領取門票呀。
優惠2：周年優惠低至半價
今年係海洋公園45周年生日，由即日起至2022年6月30日，只要香港身份證號碼有指定兩個數字4、5就有優惠，有「4」或「5」字享8折購票優惠，有「45」相連號碼就有半價優惠！
相關閱讀：海洋公園重開 為慶祝45周年 身份證有數字4、5 最多可享半價優惠 先預約再入園 (附預約連結)
優惠3：全日優惠套票$360，Visa信用卡再減$100
海洋公園推出全日優惠套票，價錢為$360，包海洋公園成人門票一張，再送$30園內購物電子現金券。全日優惠套票可以響海洋公園官方網站、7-Eleven便利店、網上購票平台Klook同Trip.com購買。如果用Visa信用卡購買指定成人套票，仲再減$100，即係$260就買得到。門票有效期由即日起至2022年6月30日。
不過大家要留意，海洋公園而家每星期只開放6日，逢星期二休園至另行通知。另外，除獲法例豁免人士外，所有年滿12歲或以上人士進入海洋公園時，都要符合「疫苗通行證」要求。進入園區前均須掃瞄「安心出行」二維碼，並須出示附有二維碼的疫苗通行證相關接種紀錄 / 「新冠疫苗接種醫學豁免證明書」以作掃瞄之用。