20/7 免費觀星活動 太空館天台睇牛郎織女星 專人講解費用全免 唔怕睇唔明！
去咗太空館咁多次，你有無上過去太空館天台用天文望遠鏡觀星呢？如果未的話，不妨把握機會參加7月的「鬧市星蹤」，有專人教你觀星，而且費用全免！
「鬧市星蹤」活動由夜晚7點半開始，到9點結束，響依個時段裡面大家可以去到太空館天台隨時加入參加活動，利用天文望遠鏡觀測當晚的星空以及認識當季星座，現場會有專人講解夏季星座。如果想把握機會睇下牛郎同織女星，問下有關星星的問題，就唔好錯過依個免費活動！
另外，太空館不定期都會舉辦「鬧巿星蹤」，如果錯過咗今次活動，都可以留意太空館網頁，睇下幾時再有下一次活動。
香港太空館天台「鬧市星蹤」
日期：2022年7月20日（星期三）
時間：晚上 7時半 至 9時
地點：香港太空館天台 – 九龍尖沙咀梳士巴利道10號
語言：粵語為主，輔以英語講解
費用：免費活動，請於活動地點輪候參加
備註：如天氣欠佳，觀測活動會以室內活動代替或取消
查詢：2721 0226