太空館免費觀月活動 用天文望遠鏡近距離睇月球表面 7、8月只限4晚！(附日期詳情)
對天文觀月有興趣嘅你，千祈唔好錯過太空館免費活動「觀月尋跡」，可以用天文望遠鏡睇月球表面，而且費用全免，7、8月只限4晚！
唔少人以為滿月就係觀測月球嘅最佳時刻，不過如果想用天文望遠鏡清楚睇到月球表面細節，就要特別留意月相變化。香港太空館今個夏天挑選咗幾個特定日子，等大家可以透過天文望遠鏡觀測月球表面地貌，尤其係凹凸不平的隕石坑，邀請大家一齊欣賞太陽系中最古老的天然遺跡。
7、8月的觀月日子分別係7月6日（星期三）、7月9日（星期六）、8月3日（星期三）、8月7日（星期日），只要響活動進行的時間（晚上7至8時）去太空館天台輪候即可參加。太空館會不定期舉辦「觀月尋跡」活動，留意太空館網頁就可以知道幾時再有下一次觀月活動。
香港太空館天台「觀月尋跡」
日期：2022年7月6日（星期三）、7月9日（星期六）、8月3日（星期三）、8月7日（星期日）
時間：晚上 7時 至 8時
地點：香港太空館天台 – 九龍尖沙咀梳士巴利道10號
語言：粵語為主，輔以英語講解
費用：免費活動，請於活動地點輪候參加
備註：如天氣欠佳，當日活動將會取消，不會另行通知
查詢：2721 0226