樂齡想當年：香港樓價超平！？太古城12萬有交易？

而家人人都話香港樓價瘋癲，想當年70年代，太古城最平12萬就有交易。雖然聽落好平，但當年究竟係咪人人都買得起呢？

太古城70年代落成 樓價最貴唔過20萬

太古城貴為香港老牌藍籌屋苑，而家三房單位樓價動輒都一二千萬，不過想當年太古城在70年代落成，1976年開售首批單位時，一個建築面積585呎的低層只係賣12.45萬，建築呎價約212元。至於最貴的單位都只不過係18.75萬，係一個建築呎價約277元的678呎高層連天台單位。

舊時月薪樓價比例較合理 最快10年供完樓

有樂齡網民分享自己的回憶，話1975年小學畢業做製衣廠的話，月薪大約1200，當時係出18個月糧，年薪係有21600；如果中五畢業做文員，月入大概2400，18個月糧後一年收入43200；而社會精英大學畢業找到經理職位的話，月薪高達7500，18-20個月糧，年薪15萬。以當年太古城一個單位15萬左右去計，年息15厘，月供只係2000蚊左右，10年左右就已經供完樓。所以依位樂齡網民認為，70年代的打工仔比而家幸福好多，大家又認唔認同他的講法呢？

不過80年代之後，香港樓價就一直向上，太古城一個建築面積675呎的單位，70年代售賣25萬，80年代後期升至120萬，到而家已經要差不多一千萬，50年來勁升40倍！想當年我們雖然都辛苦，但都仲叫買得起樓，而家樓價愈升愈高，人工增幅又唔大，望見後生一輩都戥他們辛苦，如果經濟能力許可，大家會唔會幫助仔女付首期買樓呢？

相關閱讀：仔女結婚買樓，身為父母要幫手付首期嗎？