受疫情影響　天星小輪班次減　山窮水盡舉債渡日　120年歷史香港人集體回憶將消失？

天星小輪班次響 3 月初先宣佈完縮減，事隔唔夠兩星期，天星小輪再公佈負債消息，現階段只能舉債渡日。天星小輪係幾代香港人的集體回憶，真係好希望它撐得住今次疫情難關，繼續帶我們暢遊維港！

疫情下　天星小輪班次 減

受到疫情影響，天星小渡載客量大減，3月初先宣佈調整班次，縮減至10至12分鐘一班，同時縮短服務時間，並關閉來往中環同尖沙咀渡輪的下層客艙。無諗到近日再公佈公司山窮水盡變成負資產，累計虧損7000萬，每月收入甚至連員工薪水都唔夠畀，現階段全靠借貸來應付日常營運開支。

天星小輪響1898年成立，超過120年歷史，係香港最具代表性標誌之一，曾經獲國家地理雜誌譽為「人生50個必到景點」之一。除了遊客鍾意天星小輪外，依個充滿香港特色的交通工具亦係幾代香港人的集體回憶，坐住小輪吹海風，欣賞維港兩岸景色，應該係每個香港人都做過的事情。由幾十年前一個人搭小輪、到兩個人拍拖搭、到組織家庭後帶埋小朋友搭，去到後來三代同堂一齊搭。天星小輪未必係最快最方便的交通工具，但我們搭的，其實係一種香港情懷。

真係好唔想天星小輪成為歷史，希望它捱得住今次難關，等疫情稍緩可以成日去街的時候，一定要搭返夠本！

相關閱讀：樂齡想當年：熱狗巴士4大經典回憶