美都餐室傳結業!50年代開業屹立油麻地72年 舊香港情懷老冰室 經典電影拍攝場地

人生有幾多個10年,更何況係72年?

美都餐室位於油麻地有72年歷史的老冰室美都餐室近日傳出結業消息,有網友最近經過美都餐室發現已經落閘,喺facebook群組「佐敦•油麻地人和事」發文表示餐廳結業,餐廳閘上貼了告示,上面寫道:

「人生有幾個十年,不經不覺美都餐室喺呢個地方已經渡過七十二年,就比佢喺呢個時候放鬆吓心情,喺呢個moment呌呌氣。要記住,過了今天,再有一天,仲有幾個十年。」告示亦有多國語言的再見:「係咁先啦,下次再見,拜拜 So long farewell. Adieu CiaoSayonara Adios有緣我哋一定會再見……」

美都餐室係區內地標之一,就在廟街榕樹頭對面。餐廳於1950年開業,一直維持住50年代冰室風格,紙皮石地板、藍綠色鐵窗、木製卡位,保留了香港舊建築同裝修特色,所以有好多電視劇同電影都到此取景,例如《PTU》、《九龍冰室》和《廟街媽兄弟》等。

除了外觀懷舊,食物都保留老舊冰室味道,如菠蘿油、紅豆冰、蓮子鴛鴦冰、錦滷雲吞、焗排骨飯等等,唔少明星都鍾意幫襯。

雖然72年歷史老店結業看似可惜,不過好多網民就唔覺得惋惜,反而認為餐廳執笠只係遲早問題,指餐廳專做遊客生意,食物價格高但係品質差,店員服務態店惡劣等等。

相關閱讀:告別珍寶海鮮舫!1976年開業相當輝煌 英女皇、湯告魯斯都去過 2020年停業至今 將於6月移離香港