開業45年灣仔老字號快樂餅店 2/8光榮結業 經典忌廉筒、沙翁 把握機會回味老香港味道

屹立灣仔皇后大道東45年年的老字號餅店「快樂餅店」最近貼出公告,宣佈因業主收樓,店舖將於8月2日光榮結業,感謝顧客45年來的支持,希望以後有緣灣仔再見。

快樂餅店 快樂餅店的裝修保留著滿滿的舊香港情懷,綠白色紙皮石地板、牆上咖啡色的花磚牆、白底紅字的招牌……一走入舖頭彷彿返到70年代。快樂餅店裡一系列懷舊港式麵包,例如:忌簾筒、蝴蝶酥、沙翁、墨西哥包等等,唔單止係幾代灣仔人的回憶,更加讓唔少年青一代認識老香港味道。

快樂餅店-結業

據悉因為響同區未搵到適合舖位,所以暫時唔打算響同區重開。不過快樂餅店響告示裡提到響馬鞍山設有分店,歡迎大家光臨分店「快樂麵包」,繼續回味港式味道。

快樂餅店

地址:灣仔皇后大道東106號地舖

快樂麵包

地址:馬鞍山利安邨街市M-L023號舖

相關閱讀:美都餐室傳結業!50年代開業屹立油麻地72年 舊香港情懷老冰室 經典電影拍攝場地