又一老店結業！九龍城48年豪華餅店 宣佈10月1日停止營業 發哥至愛酥皮蛋撻、合桃蛋糕
位於九龍城開業48年的豪華餅店，早前響店門外貼出告示，多謝街坊多年支持，並宣佈10月1日停止營業，想響老店結業時回味舊時味道，就要把握最後機會。
豪華餅店響70年代開業，至今已經有48年歷史，招牌酥皮蛋撻、花卷、菠蘿包都係街坊所愛，甚至有區外遊客慕名而來，高峰期每日賣超過3000個蛋撻。發哥周潤發亦係常客之一，豪華餅店老闆娘指發哥由1979年開始幫襯，係40年的老顧客，早年最愛招牌蛋撻，近年就鍾意食合桃蛋糕。有次因為店內太多客人，老闆同老闆娘兩個人忙到踢曬腳，來幫襯的發哥竟然二話不說變身店員，幫手賣餅！
除了酥皮蛋撻同合桃蛋糕外，餅店的花卷亦係屬於買少見少的款式，花卷係瑞士卷的一種，混合了原味、斑蘭朱古力同咖啡口味，口感豐富坊間少見，趁老店響10月1日結業前，不妨去一試。
豪華餅店
地址：九龍城衙前圍道146號(地址按此)
電話：2382 0383