【免費活動】香港舊招牌展覽 26/11前尖沙咀天星碼頭展出 留住舊香港情懷
最近大家經過尖沙咀天星小輪，有無留意到一間地鋪擺滿咗香港舊式招牌呢？其實依個係一個名為《招牌種子庫》的展覽，展出從唔同店鋪被清拆下來的舊招牌，每個招牌背後都有它的故事，你又記得幾多個呢？
由兩名建築師成立的「街招streetsignhk」，向來努力保存被拆卸的舊招牌同故事，希望留住舊香港情懷。「街招」響今年的「城市\建築雙城雙年展」展出《招牌種子庫》，展覽以種子儲存庫為藍本，建構一個招牌儲存庫的場景。團隊想像每個收藏的招牌都係一粒粒的種子，一方面保存從街上日漸消失的文物，另一方面通過記錄、研究同展出，希望播下欣賞和保育傳承香港招牌文化的種子，有朝一日發芽並再次在街上綻放。
《招牌種子庫》由即日起響尖沙咀天星小輪地鋪 (近鐘樓) 展出至2022年11月26日，想回味舊香港情懷的島友唔好錯過。
《招牌種子庫》展覽詳情
展期：即日起 至 2022年11月26日
展覽場地：尖沙咀天星小輪地鋪 (近鐘樓)
Facebook：按此