經營近半世紀旺角雜貨店錦興瓷器行宣佈結業 清貨優惠低至7折 只限依幾日！
響旺角經營近半世紀的老字號雜貨店「錦興瓷器行」，早前響社交平台宣佈將於10月尾結業，最近店舖進行清貨優惠，店內的瓷器、家品、廚具、小家電等，響10月21日至25日期間會以低至7折發售！
屹立旺角近半心世紀的錦興瓷器行，雖然叫做「瓷器行」，但除了販賣瓷器外，亦有各類家品雜貨、小電器、廚具等，亦不時有新搞作，好似幾年前出售懷舊駱駝牌暖水壺就好搶手，又同其他廠商合作，推出自家設計的櫻花圖案美濃燒陶瓷碗，店內同時有發售懷舊公雞碗。
錦興瓷器行於社交平台透露，由於業主加租，加上考慮到家人健康，所以忍痛決定在2022年10月25日結束門市，即日起會有85折清貨優惠，而響最後5天 (10月21日至25日) 則會有7折優惠，現貨售完即止，店主在公告內表示：「愈早來到會有愈多選擇，愈遲來到則會愈便宜」。
店主指未來會轉戰網上，融入新電子商貿時代，將錦興瓷器行改為錦興KAM.O.L，搬到附近工廈，繼續經營網店自提、以及進口產品批發，希望大家可以繼續支持。
錦興瓷器行
地址：九龍旺角廣東道1003號地下
電話：2651 8822