當年放學後必到公園睇電視！電視放戶外架高電視櫃 要等管理員開先有得睇
而家家家戶戶都有一部甚至兩部電視，幾乎係家庭必備電器，但係你仲記唔記得細個的時候，電視係奢侈品，唔係個個人屋企都，好多時係要去公園睇電視？
響60年代的香港，一部電視的售價接近600元，當時技術工人的日薪介乎11至32元之間，差不多要大半個月甚至超過一個月的人工先買得起電視。而當年唯一的有線電視台「麗的映聲」每月都要畀月費25元，仲要每年繳付36元的電視授權費給政府，加加埋埋費用不少，所以話電視本身同睇電視依個行為都屬於奢侈品，唔係一般家庭能夠負擔。
當時要睇電視，好多時都係去有電視機的鄰居屋企睇，或者去士多或涼茶舖睇，這些店舖會收取每人一毫的「睇電視費」，又或響店內幫襯亦可免費入場睇電視。
眼見大眾對睇電視的需求增加，前市政局響1967年開始於維多利亞公園安裝電視，免費供市民觀看，主要播放中文電視節目。由於反應良好，前市政局響轄下一些公園同遊樂場相繼安裝電視，等市民可以免費觀賞電視節目。
這些電視機都裝響架高了的電視機櫃入面，櫃門平時鎖住，每日下晝3點左右，管理員就會用鎖匙打開電視機櫃門，同埋開電視，一班小朋友做完功課就會趕去公園睇電視。雖然戶外睇電視好天曬落雨淋，但響當時娛樂同物質都相對簡樸的年代，睇免費電視已經係生活中一大樂趣。而家諗返，成班小朋友一齊睇電視真係好開心，係好珍貴的回憶！