fbpx Web Interstitial Ad Example

【在家寧養照顧】高齡父母在家善終5大考慮因素 醫療支援足夠嗎?同住家人有共識?經濟能否支持?

響人生最後階段,唔少高齡長者都希望能夠返到熟悉的屋企,有尊嚴、安詳地走完人生旅程。不過每個人的健康狀況同意願都唔同,可以趁住長輩仲有精神時及早討論,以決定係咪在家寧養照顧,如果牽涉到一些醫療技術問題,亦可請醫護人員一起參與討論。

在家寧養照顧

在家寧養照顧5大考慮因素

1. 照顧者係咪能提供足夠支援,同埋做好心理準備?

在家寧養的病人好有機會已無法自理,需要人長時間貼身照顧,照顧者如屋企人或工人姐姐係咪能夠提供足夠的支援?照顧者係咪最好心理準備,願意學習疾病的簡單知識同照顧技巧?例如協助病人食藥、餵食飯、幫病人床上翻身、處理大小便、幫助沖涼等等,都需要認真思考。

2. 係咪能夠獲得正式醫護的緊密支援?

身兼個案經理的紓緩治療護士會定期家訪,由於護士比較了解病人的情況,當照顧者有疑問時可向其求助。至於提供上門診治的醫生,目前數量較少,而且需要具備寧養照顧相關知識。另外最好有相關專科醫生或醫療團隊提供支援。響決定係咪在家寧養之前,病人同照顧者需要考慮以上問題。

3. 病人情況係咪適合在家照顧?

如果病人情況反覆或急促惡化,例如有氣喘、嚴重痛症、大量出血等問題,需要頻頻換藥或由醫護緊密觀察的話,就唔適宜在家寧養。

4. 經濟上能否負擔?

醫生上門診治、護士定期到訪,甚至要請居家照護員,加上租借醫療用品同器材,同埋藥物等等,在家寧養的開支唔少,家人係咪能夠負擔?

5. 係咪接受到病人響屋企離世?

病人接受在家寧養,如果病情許可的話,最後可能會在家中離世,同住家人係咪支持病人決定?所有屋企人都有共識?病人在家離世並運走遺體,同住家人係咪接受到成個過程,有心理準備面對嗎?

相關閱讀:日本 在宅醫療  末期病人不住院回家寧養 平靜有尊嚴地渡過人生最後日子