一家6口，有老又嫩，食霸王餐

[eden小五]

西灣河一家6口食$1000霸王餐！被揭這樣做更衰　食店發CCTV急尋人
 【霸王餐】出外吃飯必須付款！西灣河鵬翔廚房於社交平台發布閉路電視（CCTV）影片，指日前有一家6口到店用餐，埋單約1,000元，卻沒有付款就離開，而CCTV更見到，男食客離開前作出1個令人驚震舉動。由於相關食客至今未有回頭付款，鵬翔廚房遂發CCTV尋人，且已報警，「唔該各位幫下手轉發畀更多人留意下」。
 
影片引來網民熱議，斥責離譜，「擺明有心走數啦」、「仲要有小朋友……‍唉」、「唔介意所有餐飲業，先收$ 後送食物！ 杜絕所有走數人！」。

西灣河鵬翔廚房於10月4日（星期六）在社交平台Threads發布CCTV影片，留言「各位網民幫幫手宣傳出去」。鵬翔廚房指，9月21日有一家6口到店吃晚飯，埋單約1,000元，但沒有付款就離開，「呢1張枱嘅人食完飯之後應該唔記得畀錢啦，直接走佬」。

從CCTV影片見到，事發9月21日晚上近9時，一家6口包括5名成人和1名小朋友，坐在大圓枱用餐，之後6人一同起身往門口走去。當時門口收銀台老闆正背對門口埋頭工作，惟一家6口經過收銀台時，5人直接離開，餘下1名男子望一望收銀台，但沒有付款就跟着5人離開。




食店報警　發CCTV急尋人鵬翔廚房於帖文補充，「個男人仲要望下收銀枱，嗰陣時老闆喺度做緊嘢，如果係咁嘅話個男人唔係應該要嗌一聲老闆收錢咩？點解會係望咗一眼之後就直接走？」。鵬翔廚房又說，6人至今沒有回來付款，已報警處理，又期望網民幫手尋人，「唔該各位幫下手轉發畀更多人留意下」。


有老又有嫩，都敢食霸王餐，點做人父母？ 

 


 
原文網址: 西灣河一家6口食$1000霸王餐！被揭這樣做更衰　食店發CCTV急尋人 | 香港01 https://www.hk01.com/article/60282589?u ... m=referral
 
 

[Oncidium]

而家周圍都係CCTV，仲諗住食霸王餐？
實俾人揾到喎。

[去去無氣走]

真係擺明食霸王餐啦，呢d真係要報警！

[SlamDunk]

所以越來越多店舖要求先付款！

[AvadaBanana]

小朋友前面 都冇樹立 一個好榜樣...
如果以後小朋友有樣學樣 就弊

[橘色虎斑貓]

鵬翔廚房一日之後發文：「多謝各位網友幫手，而家嗰張枱嘅客人已經畀咗錢 ，所以我地會刪返呢個Post」。

~~~~~
雖然係遲，但最後都有返去找數。

[SlamDunk]

現在四處都是camera，總是有些人要迫人公開自己的醜態出來！

[Oncidium]

如果個店主冇喺社交網絡出 post，嗰家人會唔會第二日“記得”返去俾錢呢？