人間有情，顧客因病棄單，其他客人紛紛捧場

[eden小五]

觀塘一間私房菜昨晚（28日）在網上發文，指被一名訂6圍枱的客人「放飛機」而報警，雖然背後原因令人心酸，但鮑魚、花甲等珍貴食材「危在旦夕」，無奈下以每位180元在網上「吸客」，獲網民一呼百應。《香港01》記者今晚到場視察，發現店內座無虛席，多達72人捧場，東哥雙手合十致謝，又開咪感激客人捧場，「人間有情有愛，淨係呢份大家互相幫忙嘅感情，令到我哋可以繼續喺香港勇敢生存落去！」
 
店主姚先生（東哥）透露，原價是每位580元，但其店只做預約，以不浪費為前提下蝕賣，「純粹唔想嘥咗啲嘢，錢就一定蝕㗎啦，無人食就要掉，好唔捨得，因為好肉赤。」東哥呼籲市民多些關注精神健康問題，又讚揚香港人的助人精神；有客人則指180元食鮑魚是「互惠互利」，「雖然未食過，但如果質素好好，當然係超值！」



 
原文網址: 觀塘私房菜棄單｜72客捧場食鮑魚「互惠互利」　東主：人間有情！ | 香港01 https://www.hk01.com/article/60317530?u ... m=referral


真係好人好事，一方唔浪費食物，一方有好野食，大家互相幫助，人間有愛﹗呢個至係香港情﹗

[Oncidium]

咁短時間就有咁多人回應，體現香港人嘅熱情。
成件事互惠互利，雙方都得益，又唔浪費！好！