金銀島 - 樂齡交流萬事屋

內地著名連鎖食肆「西貝蓧麵村」被內地網紅指責幾乎全用預製菜後生意大跌。「西貝」之後宣布全國三百多間店舖廚房原料工藝全面公開，接受申請參觀。 

多個媒體參觀後發現「西貝」多店除了有預製菜，後廚亦存在衛生問題，如雪櫃藏2024年肉品，使用轉基因大豆油，引發食安危機。 

「西貝」其後在微博致歉，承認 「生產工藝沒有滿足廣大顧客的期待」，並承諾提升現場加工比例，多款菜品將於十月一日前改為店內現做，並會與供應商商討縮短食材保質期。
~~~

 除了內地「西貝」，近來越來越多香港餐廳食肆被指為節省成本轉用預製菜。有人認為不可接受，會小心選擇；有人認為係大勢所趨，無奈接受；亦有人覺得分別不大，沒有影響。

 大家又點睇？ 

我會先考慮好唔好食同埋價錢先，跟住會睇晒間店有無表明係預製菜。

如果好食又價錢平，我唔理佢係唔係預製菜啦。

如果價錢係貴既，咁我就唔接受預製菜喇。

白啲講，我接受，係因為自身經濟環境，平就無奈接受啦。

我唔接受既，係用預製菜都唔謊會係新鮮野啦，若價錢仲要貴既，梗係唔滿意啦。

同意！只要好食、平和干净，預制可接受！

如果食肆講清楚係預製菜，大家自行決定囉！

但話係新鮮現製，收得又貴，其實係預製，咁就係欺騙啦！

我覺得係預製菜就有需要先告知消費者，消費者自行選擇