金銀島 - 樂齡交流萬事屋

深水埗發生高空擲物案。今日（20日）傍晚6時43分，警方接獲富昌邨富悅樓保安報案，指有人不斷掟大量雜物落街。警員趕至上門帶走一名11歲男童，安排救護車將他送往明愛醫院檢查。警方經初步調查後，一名68歲陳姓女子涉嫌疏「對所看管兒童或少年人虐待或忽略」被捕。事件中幸無人受傷，亦無公物損毀。
據悉，兩人為嫲孫關係，當中男童有專注力不足及過度活躍症（ADHD），且為中度智障，案發時陳婦出去買餸。
 
就現場可見，富悅樓對開地面遍地狼藉，滿佈散開的風扇、鞋、內衣、紙巾、掃把等，有警員到場圍封雜物堆；另有衣物等擱於平台。

由呢件事件，我地可以討論既：
1.香港法例，唔准獨留未滿16歲兒童响屋企，否則違法。呢個法例係唔係有需要檢討呢？

2 對於有問題既兒童，若獨家人，尤其是長者照顧，社會有否提供足夠既協助？

 
原文網址: 富昌邨男童連環掟雜物落街　警帶走送院　六旬祖母涉疏忽照顧被捕 | 香港01 https://www.hk01.com/article/60278431?u ... m=referral

 

我認為「獨留未滿16歲兒童在家中」呢條法例根本不合時宜，16歲好大個喇架，同埋留在家中 相比在街安全

小朋友父母呢？點可以不負責任，掉低個ADHD兼智障小朋友，畀68歲嫲嫲湊

明顯68歲嫲嫲看管不了個小朋友，父母責任呢？

喵星人姑姑 寫: ↑2025年 9月 21日, 16:45 小朋友父母呢？點可以不負責任，掉低個ADHD兼智障小朋友，畀68歲嫲嫲湊

呢個小朋友明顯需要有人長時間看顧，嫲嫲兼顧唔嚟應揾人幫手。為咗買餸，獨留小朋友在家，好彩今次只係高空擲物冇人受傷。

希望小朋友家人以後能安排人時刻照顧佢。

事件中既家庭，父母去左邊？

個婆婆好可憐，咁既年紀仲要照顧個孫，無問題既都辛苦啦，而家呢個孫仲係有問題既。

唉﹗