又有好司機
發表於 : 2025年 9月 22日, 20:24
上星期二，遲咗收工，唯有打的趕去政府門診覆診攞藥。的士司機叔叔聽到我去門診，知道我要趕時間，就建議話行捷徑去診所對面落車，過馬路就到，快好多。佢寧願自己賺少咗都幫我，一讚。到診所前嘅紅燈位，佢叫我比錢先，咪錶顯示$51.8,佢話收$50得嘞。當時應該跳多一次錶先到，我比100紙幣，話找40就算，佢話攞咗張50，唔搞嘞，要開車嘞。再讚三讚呀！我在此祝願司機叔叔客似雲來，路路暢通，出入平安。香港嘅的士司機都有好多好心人㗎！
