金銀島 - 樂齡交流萬事屋

又打風，今次兇，
提醒市民作準備，
停課二日保學童。
預報八號兩點四，
老細寬容早放工。
眾人趕車歸家去，
一家四口卻追風，
柴灣觀浪跌落水，
三人送院幾嚴重；
無品大人教晒細，
政府規勸已詞窮。

夜漸深，風雨共，
露天店舖齊落閘，
馬路人車失晒踪。
海洋公園真應景，
洪水湧入富麗敦；
杏花單位甩冷氣，
愛民拔出老樹榕；
長洲巨浪拍房屋，
沙灘淹沒波濤湧；
鑽山天橋吹走蓋，
深井牆磚隨風送；
土灣天秤敲爛窗，
寮民撤離港島東；
低窪地區多關顧，
出齊十部吸水龍。

樺加沙，點解洶，
溫室效應釀人禍，
妄賴天災真譏諷，
拯救地球份內事，
為何減廢仍欠奉，
歐美大國唔合作，
報應來臨眼淚窮，
颶風一個連一個，
何時醒覺補天空。

讚

一詩寫盡樺加沙襲港情況，犀利！

有啲新聞真唔睇呢首詩都冇留意到，非常佩服作者嘅寫作及觀察能力！

仲要句句精警！！ 高手

一段就講晒樺加沙襲港嘅情況，新聞報導咁詳盡添。