金銀島 - 樂齡交流萬事屋

29／10（星期三）係重陽假期，公司幾個年青人，已經攞咗前2或後2假，去外遊5天。留港嘅，就積極準備星期五晚嘅Halloween 節目。媽咪們都為仔女搜羅古怪服飾，因為由幼稚園到大學，校方都有萬聖節活動。
重陽拜山？佢地都話，父母搞掂啦！已過咗被迫参與嘅年齡嘞。我諗，再過二，三十年，都無咩人會去拜山了。
以我夫家為例，大伯小叔已移民多年，大小姑奶，正日話人迫，平日話事忙，上一次去拜山，已經係5年前，而且，老公同仔女，係十幾年前去過一次咋。
我嘅子女乖啲，年年出席，因為長老們嘅龕位都在沙田，一次拜晒。不過，我已經講定，去世後撒灰去花園就算，免得大家煩惱，有負擔。
幾年前已有人推出網上拜祭，代客掃墓等，親身去拜山呢個傳統，仲可以保留幾耐呢？

我都同仔女講，第日會撒花園，唔想煩到任何人。

至於下一代會唔會拜山，我仔女而家都會去拜，但佢地既下一代就唔知喇。