金銀島 - 樂齡交流萬事屋

一位裝修師傅在其社交平台分享一次經歷，他說，早前到一位七十多歲獨居婆婆的家中進行翻新工程，婆婆在該單位住了足足四十年，盛載著大半生的回憶。但是老伴兩年前離世，仔女又全部定居外國，面對偌大的空屋，婆婆向他感嘆道：「日子唔多，都想住得舒服自在啲」，於是請師傅幫忙改裝最容易發生意外的廁所。她坦言，隨著年紀漸長，恐懼感亦隨之增加：「有時夜晚起身摸黑入去，好怕跣倒。」

完工當日，婆婆在廁所行來行去，踏下地磚又扶下扶手，安心地嘆了一句：「而家夜晚起身，終於唔使擔心啦。」奈何防跌磚防得了意外，卻防不了孤獨！師傅憶述，施工期間婆婆「成日坐係角落睇我哋做工」，彷彿屋內難得有人氣，讓她不捨得移開視線，直到工程完結，師傅準備收工離去時，婆婆終於難掩失落，吐露了一句最沉重的心聲：「師傅，你哋做完呢度，我又淨返自己一個住㗎啦。」

這番說話猶如重拳擊中師傅的心房，他在帖文中寫下最真實的第一身感受：「我行到樓梯間，企咗好耐，心裡面唔好受。」他感慨道：「做裝修唔一定係整到靚靚影相打卡，更多時候係幫人改善日常起居，呢單價錢唔多，但每次諗起，都覺得自己做咗件有意義嘅事。」


來源網址 : 仔女全移民師傅幫獨居長者改廁所防跌-臨走婆婆一句心底話揭移民潮最殘酷現實Juicy叮 | 星島頭條
https://www.stheadline.com/local-topics/3590963/


*****
而家好多子女移民留低長者自己一個，即使長者自己有能力改善家居安全，但長者孤單嘅問題又點解決？