金銀島 - 樂齡交流萬事屋

有港男在社交平台上發文，分享上周六（22日）自己幫一名婆婆、結果變成「好心做壞事」的經歷，他原本以為用「請食飯代替給現金」的一招可以擊退街頭騙徒，豈料遇到一位要求多多的「美食家」婆婆，最後不僅破財近百元，更目睹心寒一幕，令他大嘆以後不敢再在街頭幫人。


不少人在街頭都遇過陌生人以各種理由索取現金搭車食飯，有港男在社交平台上發文，分享上周六（22日）自己幫一名婆婆、結果變成「好心做壞事」的經歷，他原本以為用「請食飯代替給現金」的一招可以擊退街頭騙徒，豈料遇到一位要求多多的「美食家」婆婆，最後不僅破財近百元，更目睹心寒一幕，令他大嘆以後不敢再在街頭幫人。


醒目男以「請食飯」試探 遇慘情婆婆訴苦
該名男網民在Threads帖文中表示，上周六（22日）在街邊等巴士時，遇到一名婆婆上前訴苦。婆婆聲稱自己八達通「負錢冇錢」無法回家，家中又無錢開飯，甚至還有一位年邁的母親要供養。

婆婆指自己做地盤打雜，判頭不肯借糧，在山窮水盡下希望樓主能施捨一百幾十元。樓主聽後心生防備，直覺是騙案，於是急中生智回答：「阿婆，我身上冇錢呀，得張八達通可以買個飯畀你，你要唔要吖？」他原本聽說過騙徒只志在現金，以為這番話能令對方知難而退，沒想到婆婆竟順水推舟，要求樓主買飯給她。

婆婆化身美食家瘋狂加單 指定要「紫薯葡撻」

兩人隨後步入附近的一間KFC，沒想到這才是樓主噩夢的開始，婆婆首先得寸進尺，要求買兩個飯餐，理由是「兩個飯先夠我同我媽食，同埋我第二朝可以帶飯返工。」樓主雖然無奈但依然答應，隨後婆婆眼見有葡撻，又要求加購兩個。

最令樓主無語的是，婆婆對食物甚有要求，當發現點餐機上有新款口味時，竟馬上轉軚：「哎呀，我唔係想食普通葡撻呀，係紫薯葡撻呀，先生你可唔可以再㩒過？」面對婆婆連環要求，樓主為了盡快脫身只好照辦，最終花費了94元買單。

轉頭即嘟八達通搭車 港男目睹心寒一幕

婆婆拿到食物後，拋下一句多謝便急步離開，樓主當時已經覺得事有蹊蹺，不禁懷疑：「邊有人窮到冇飯開仲咁多要求？」結果殘酷的真相馬上浮現，樓主親眼目睹剛才聲稱八達通「負錢」的婆婆，順利上了一架巴士，更施施然「拎張長者八達通出嚟嘟」。

樓主頓時感到心灰意冷，在文中大呼：「唉，真係畀人呃咗，以後我喺香港唔會再喺街幫人」，並呼籲大家小心提防。



來源網址 : 好心港男遇阿婆借錢開飯-醒目改請食KFC竟被瘋狂加單-結局一幕心碎以後唔幫人Juicy叮 | 星島頭條
https://www.stheadline.com/local-topics/3607663/


有啲老人，似係壞人老左，利用人地既同情心，不斷呃呃呃，真係唔怕有報應？ 

以後見到咁情形，真係叫警察處理好過﹗

呢啲老人，濫用人地既同情心，真係好可恨﹗

以後狼來了，無人幫時就識後悔了。

嗰個老人家，咁貪得無厭，唔怪得而家啲人越來越少同情心喇。