金銀島｜香港50+樂齡交流萬事屋

施政報告將低收入護老者同殘疾人士照顧者嘅生活津貼，加到每月$3,300。做照顧者嗰種攰，冇做過唔會明，係心力交瘁嗰隻。呢筆錢唔多，但起碼係個肯定，話俾照顧者聽社會冇忘記你哋。身邊有朋友照顧中風嘅老公，幾年冇去過旅行，聽到加津貼都開心咗一陣。你哋身邊有冇照顧者朋友？有機會真係要關心下佢哋。