以前重陽拜山帶臘味飯上山，而家後生仲會唔會咁做？
發表於 : 2026年 10月 13日, 18:42
諗返起以前重陽拜山，阿媽天未光就起身蒸臘味飯，用鐵飯盒裝住帶上山，拜完先人成家人就喺山邊坐低分嚟食，臘腸油香滲入啲飯度，到而家都仲記得嗰陣味嗰陣風。而家交通方便咗，拜完山多數落山去酒樓食，方便係方便，但嗰種一家人圍埋食飯盒嘅感覺就買少見少。今年我打算叫屋企人試下帶返簡單飯糰同水果上山，重溫下舊時味道。你哋細個拜山，屋企會帶咩食物上山？
無論你係計劃緊退休，定已經退咗休，都歡迎加入金銀島！同香港50+同路人傾偈交心，分享退休生活、玩樂課程、著數優惠、扮靚煮飯心得，互相扶持。共享共樂共創，人生下半場結伴歷險！
https://treasuredo.com/forum/