金銀島｜香港50+樂齡交流萬事屋

星期日就係重陽正日，我已經約咗晨運班幾位老友一齊登高，講明今次唔鬥快、唔鬥勁，行下唞下，沿途睇下秋景，帶定水同薄外套，山上風大，停低嗰陣好容易攝親。行到山頂嗰陣，我哋仲打算揀塊平地做幾分鐘伸展，先至慢慢落山去飲茶。運動最緊要係持續同平安，唔係一日威晒就算。你哋星期日有冇登高約腳？如果未有伴，不妨喺度出聲，可能就夾到一班志同道合嘅老友，一齊慢慢行，開開心心過重陽。