金銀島｜香港50+樂齡交流萬事屋

政府日前向立法會交代《建築物管理條例》修例諮詢結果，之前講到每人手持授權票要封頂嘅建議，正式收回。諮詢期間收到大約500份意見，過半數對設上限有保留，話實際執行有困難，例如法團好難判斷邊張票先係超額，所以當局決定先由加強抽查同核實入手。不過民間一直爭取嘅「雙簽制」就有部分採納：以後授權票要業主同獲授權人一齊簽名，仲要留低聯絡方法，等法團可以核實。聽日（星期一）民青局會去立法會交代詳情，但具體條文同立法時間表仲未有。住緊大廈嘅街坊，特別係要開業主大會投票大維修嘅，呢單嘢真係要留意吓。
https://hk.on.cc/hk/bkn/cnt/news/202611 ... 2_001.html