金銀島｜香港50+樂齡交流萬事屋

政府話要收緊電話卡實名制啦！商務及經濟發展局局長丘應樺尋日喺立法會話，建議將個人用戶喺每間電訊商登記儲值卡嘅上限，由10張減至3張，仲研究立法強制用「智方便」做實名登記。據電訊商數據，約98%個人用戶每間電訊商登記唔多過3張，所以政府話絕大多數街坊唔會受影響。不過議員就質疑，3張乘31間電訊商，一個人理論上仲可以登記90幾張卡，漏洞未完全堵住。另外，政府亦打算將買賣、租借已登記電話卡等不當行為刑事化，未來幾個月會諮詢公眾同業界。大家屋企有冇多餘電話卡？記得唔好亂借畀人登記呀。
圖片來源：ezone
https://unwire.hk/2026/11/11/hong-kong- ... ile-phone/