TreasureDo Whatsapp Group

賽馬會安寧頌:《好好說再見》故事展覽

再見,除咗字面上「再見」嘅意思外,亦有「再次見面」嘅意思。雖然「說再見」係一件傷感嘅事,但為失去珍貴嘅人同物而傷心,其實係正常不過。如果我哋可以用正面態度去面對,等我哋同病人「說再見」之後仍然可以細味過去,就好似同病人「再次見面」一樣,咁先至係照顧者同病人最大嘅得著。 「賽馬會安寧頌:《好好說再見》故事展覽」配合賽馬會安寧頌計劃第三階段起動,展出一眾合作夥伴喺計劃期間照顧者同病人嘅故事,希望可以令大家了解更多:就算到咗人生晚期,病人仍然可以喺生命最後嘅路上活出最燦爛嘅時光;照顧者其實亦都可以無悔無憾,往後繼續細味彼此相聚嘅時光。「說再見」,其實並唔可怕。 「賽馬會安寧頌:《好好說再見》故事展覽」 日期:2022年7月8日 (2pm-6pm) 及 7月9至13日 (10am-6pm) 地點:饒宗頤文化館下區藝術館 對象:歡迎公眾人士參與 費用:免費 除咗故事展覽外,同場亦都有其他焦點活動包括《好好說再見》公眾講座同一系列嘅工作坊等等,歡迎大家參加。部份焦點活動需要預先報名或者以先到先得方式參加,敬請留意! 展覽詳情

Read more