史上最高齡！85歲謝賢首奪金像影帝：我唔識講，我淨係識攞「呢個嘢」架咋

85歲的謝賢 (四哥) 憑《殺出個黃昏》榮獲第40屆香港電影金像獎影帝殊榮，亦係佢從影70年來第一次拎到依個奬項，全場企起身拍手恭賀。

四哥響50至70年代紅極一時，演出過上百部電視劇同電影，紅遍東南亞，代表作有《難兄難弟》、《千王之王》、《萬水千山總是情》等等。今次憑住電影《殺出個黃昏》得奬，他在戲中飾演神祕殺手，動作場面仍然應付自如，甚有當年大俠風範。

今次獲奬令年屆85歲的四哥成為香港電影金像獎最年長最佳男主角，四哥由《殺出個黃昏》監製林家棟傍住上台領奬，全場起立拍手，四哥隨即雙心合十感謝各位。四哥的致辭相當簡短，只說了聲多謝，以及「我唔識講，我淨係識攞呢個嘢 (指奬項) 架咋！」

在台上期間，四哥曾經多次拉低口罩，不過林家棟就快手幫四哥戴返，並指因為現場多人，醫生建議四哥全程戴口罩。

四哥去年同林家棟宣傳電影接受訪問時，曾講笑話「專登唔死住」都係為了拍家棟的電影，本身幾年前就想退休，但咁啱林家棟找他拍戲，於是就答應了。好彩四哥當時響退休同接戲之間選擇了後者，等大家見到他的精采演出，仲以高齡封帝，祝四哥身體健康，繼續快活人生！