楊紫瓊踏入60歲！愛情長跑18年不婚原因 & 維持好膚質的5大秘訣
楊紫瓊2022年8月6日正式「登陸」！踏入60歲的她依然明艷照人，渾身散發高雅氣質，最新電影作品《媽的多重宇宙》更係打破觀察對她的既定印象，破格演出令人感覺煥然一新。
楊紫瓊演出的電影幾乎套套經典，《宋家皇朝》、《臥虎藏龍》、《昂山素姬》，以及近作《媽的多重宇宙》等等，她接受訪問時講過，成日有人問她如果唔做演員想做甚麼？她回答：「我從來無諗過依個問題，或者做咗唔同選擇後，結果會唔會唔一樣？依對我來說並唔重要。人應該往前看，我只想活在當下。與其浪費時間想像無發生的事情，不如感謝眼前擁有的一切。」
年輕時的楊紫瓊經歷過一段婚姻，26歲結婚後更一度息影，但息影後的她並不快樂，熱愛電影的她更發現，電影對她來說唔單止係一份工作，更加係生命的一部份。最後亦因為同丈夫性格不合而和平分手，婚姻只維持短短3年便告吹。
她在2004年認識比她大17歲的法拉利前總裁Jean Todt，兩人雖然一直未有結婚，但穩定拍拖長達18年，過著平淡又幸福的日子。談到愛情長跑多年但唔結婚？楊紫瓊話自己鍾意自由，認為女人唔應該到了適婚年齡就搵個人結婚，依樣亦唔係她想要的，「女人為自己而活、對自己負責就足夠了。」
楊紫瓊護膚5大秘訣
1. 睡前一定要落妝，做好臉部清潔
2. 唔好過度拉扯肌膚
3. 正確使用護膚品，用量要適中，過度護膚反而會增加皮膚負擔
4. 每天敷面膜，除了敷面外，仲會用敷頸同下巴
5. 運動！運動比任何護膚品都有效，快走6至10公里會令肌膚更有光澤，運動同時亦係一種自我冥想，有助提升集中力