50歲黎姿雙手真實狀態曝光 網民：出賣年齡 7招保養手部隱藏歲月痕跡
今年50歲的黎姿Gigi (馬黎珈而)，最近在社交媒體上載巴黎旅遊的相片同短片，網民一開始大讚她凍齡有方，睇落完全係一位少女，直到Gigi響水果檔揀生果，意外曝光雙手的真實狀態，唔少網友直呼被雙手出賣年紀。
網民認為Gigi的雙手充滿歲月的痕跡，手背青筋盡現，而且感覺比較乾瘦；不過亦有網民大讚她夠自然真實。
其實隨住年紀轉變，皮膚脂肪層變薄，血管愈來愈突出，就會顯得乾瘦，唔似後生時咁飽滿。之前日本有調查指出，雙手係繼面部同頭髮之後，最容易顯老的部位，有超過半數的40歲以上女性，認為自己雙手有老化跡象，更有超過7成受訪者從別人的雙手發現到歲月痕跡。儘管如此，但係比較少人留意雙手的保養。
日常生活裡面成日都要用到雙手，加上疫情關係經常洗手同使用酒精搓手，雙手亦容易暴露在紫外線下，所以平日一定要多加注意護手程序，減慢雙手老化。
7招保養雙手凍齡法則
1. 每次洗完手後，用柔軟的手巾擦乾水分。
2. 早晚搽護手霜。
3. 出門前為雙上搽防曬。
4. 可擦上針對指甲同指緣的護膚品液，響手指關節處可以搽上眼部去皺產品，減少細紋形成。
5. 搽護膚品時可以順便做埋手指按摩，由從手指根部慢慢往指尖方向拉，有助護膚品吸收之餘，同時令手指變得更修長。
6. 每周一次為雙手保濕，用浸滿化妝水的化妝棉濕敷響手背部位，然後戴上即棄手套或用膠袋包裹3分鐘，深層滋潤手部肌膚。
7. 每個月使用天然成分的磨砂膏，進行1至2次去角質，令手部肌膚自然透亮。