TreasureDo Whatsapp Group

60歲黃凱芹開心享2元乘車優惠 指自己平時過得好隨意:男人去到某一個年紀就不修邊幅

60歲的黃凱芹 (Chris) 啱啱完成35周年紅館演唱會,請來好朋友周慧敏做嘉賓。Chris近年長居加拿大,獨住深山大屋,不過他最近覺得去到依個年紀,反而想擁有一個細小空間,究竟點解呢?

黃凱芹-周慧敏

Chris今次的演唱會只開一場,請來Vivian做嘉賓,Chris在台上表示自己比Vivian叻,因為年紀比她大,「搭巴士平啲」(即2元乘車優惠),而57歲的Vivian即刻恭喜Chris,更指自己都就快可以享有優惠。

Chris之前接受無綫娛樂新聞台《StarTalk》訪問時就話過,覺得男人去到某一個年紀就唔顧身世,不修邊幅。雖然自己唔算係爛撻撻,不過就過得好隨意,更加有歌迷問過佢點解而家成日咁嘅樣?以前都唔係咁咁話。

他又表示平時無特別Keep Fit,但就習慣了唔會食肥膩食物,又唔食宵夜,亦有適量運動,好鍾意游水,因為游水係帶氧運動,有助塑型。

黃凱芹

早響90年代已經移民加拿大的Chris,雖然中間一度搬返香港,不過現時都係選擇定居加拿大,有工作先回港。年輕時有在加拿大投資物業,買入賣出起碼15個物業,不過由於係投資性質,所有物業都無長住過,一直無落地生根、屋企的感覺。以前覺得「有磚頭」先安心,不過近幾年開始明白到,一個人只不過係瞓半邊床,尤其經過疫情後,深感健康先係最寶貴。

他現時居住在加拿大深山大屋,人煙稀少,疫情期間因為有段時間留在內地,等到他返回加拿大住宅時,竟然發現後院被浣熊進駐,又有鹿來食前院的花,更有熊來翻垃圾桶。被咁多野生動物「拜訪」後,Chris萌生搬到高樓大廈的念頭,他指去到依個年紀,想擁有一個細小空間,唔使苦吸塵剪草就已經足夠。

相關閱讀:詳細教你申請樂悠咭!60歲可享2元乘車優惠