林子祥賀75歲生日 同葉蒨文齊切蛋糕：開心地到達了7.5！ 宣佈26/12開演唱會
林子祥早前踏入75歲生日，他在社交平台貼上慶生照片，並寫道：「開心地到達了7.5，Happy Upgraded 7.5」，照片中可見有好多親友同阿Lam賀壽，仲切咗足足5個蛋糕！除了蛋糕外，阿Lam亦有食壽桃慶祝，仲同老婆葉蒨文手拖手切蛋糕，十分開心。
阿Lam之前本身計劃舉辦《林子祥開心演唱會》，但因為疫情多次延期，最近終於傳來好消息，因為疫情轉好，政府的防疫政策再放寬，演唱會落實響今年12月26日於亞洲國際博覽館Arena舉行，只此一場。由於依場演唱會的門票早已發售，所以而家得返非常少量門票，會響10月20日在cityline公開發售。
相隔4年再開騷，阿Lam今次講明只唱經典歌，但他的歌幾乎首首經典，一場可能唱唔曬，主辦單會指依場演唱會係阿Lam送給大家的聖誕禮物，真係只此一場，請大家好好珍惜，好好記住依個Boxing Day。
