下流上車族｜73歲鮑起靜學習豁達面對生死 同女兒講定身後事 支持綠色殯葬唔浪費地方
TVB台慶劇《下流上車族》播出以來引起唔少討論，主角之一的鮑起靜 (鮑姐) 今次唔做慈母角色，反而同劇中的繼子林敏聰、親生仔林景程有唔少對罵戲分，大曬影后級演技！
現實生活中，73歲的鮑姐只得一個女兒，現居英國，鮑姐幾乎每年都會去英國探望女兒一家。鮑姐之前響訪問中提過，由於將來唔想成為女兒負擔，曾經同女兒講過身後事：「如果爹哋走先，媽咪沒問題，一定會照顧自己，或者將我送到養老院就好；但如果媽咪走先，淨返爹哋又係大男人性格，你一定要照顧佢，因為佢自小就係個驕傲嘅人，你千祈唔可以掟咗佢去老人院。幾時我都為佢諗多啲……」
至於未來安葬地點，鮑姐亦已經同老公方平達成共識：「我就撒到花園、海度啦，唔好浪費地方同資源。老人家需要學習點對待最後嘅生命，無人天生就可以豁達。多啲做自己仲有能力做嘅事，多同身邊嘅人講多謝、愛佢哋。」
