下流上車族｜63歲林敏驄經歷兩次離婚 自認唔適合婚姻 戲裡演慈父戲外少同仔仔見面
TVB劇集《下流上車族》劇集爆紅，連帶劇中演員討論度急升，主角林敏聰的感情生活更再度成為話題。林敏聰經歷兩段婚姻，但最後都離婚收場，早年接受訪問時自言唔適合結婚！
林敏驄入行接近40年，但就從未試過拍電視劇，估唔到首次演出《下流上車族》就有咁好成績！他於劇中飾演任職超市經理的車志明，同太太莫雯慧 (江美儀飾) 育有兩名女兒，對兩個囡囡寵愛有加，係慈父一名。
至於真實生活裡，林敏聰有過兩段婚姻，90年代初曾經同有「大美人」之稱的李美鳳秘密結婚，但婚姻僅維持了5年。1998年同港姐陳伶俐再婚，二人育有兩子林肯同林善，但結婚10年最後都係離婚收場。
林敏驄早前接受訪問時被問到對婚姻仲有無憧憬？他正經地回答：「當然唔會想！我依家係安於現狀，見過鬼都唔怕黑咩？結過婚之後，就好似人生遇到一個高人向我一語道破，我先恍然大悟，發覺自己係唔適合結婚嘅！因為我哋做創作呢一行，係需要有好大嘅自由度同空間先可以做到，同時亦有好多事情需要兼顧，係好難嘅。」
他的兩個仔仔林肯同林善，而家分別係23歲同18歲，跟隨媽媽陳伶俐生活。響劇中飾演慈父的他，自言平時比較時同仔仔見面，因為他們已經有自己的世界。
林敏驄大仔林肯從小就係資優兒童，IQ高達130，響名校聖保羅男女中學畢業，其後於香港大學就讀。除了學術成績優異外，林肯盡得爸爸真傳，平日鍾意夾BAND唱歌，不過林敏聰就無特別希望仔仔將來做咩職業，認為最緊要仔仔鍾意，由他自己揀。