下流上車族｜51歲江美儀著性感睡衣演出 體態勻稱無贅肉 全靠茹素、跑步保持身形
江美儀響最近熱播的新劇《下流上車族》同林敏驄飾演夫婦，其中一幕江美儀更著上性感睡衣同黑色絲襪，同林敏聰玩鴛鴦戲水。只見51歲的江美儀身型保持得超好，體態勻稱，完全無贅肉！
茹素戒凍飲改善健康
江美儀話自己主要靠茹素同埋跑步來保持身型。因為信仰關係，她已經茹素多年，雖然唔係全素，但每個月有一半時間都係食素，其餘時間主要食魚、白肉同蔬菜。自從飲食習慣改變了，她感覺人都健康了，尤其係腸胃排毒功能改善、皮膚變好、成功去水腫，人也變得精神。
另外，她近年除了戒煙戒酒外，連凍飲、茶同咖啡都戒掉，只會飲清水，即使夏天行完山滿身汗係照飲暖水。
靠跑步keep住體型
幾年前開始，江美儀跟隨周潤發等人一齊去跑山，第一次跟隊跑飛鵝山，江美儀坦言跑到面青，返到屋企雙腳痛到死去活來，心諗咁辛苦唔知為咩。不過見到身邊朋友，鮑起靜、方平、方中信個個都去跑步，以前飲酒傾偈到三更半夜，但而家個個10、11點就話要走，趕住12點前瞓覺，因為第二日要晨跑，令江美儀都產生興趣，跟住一齊跑。
慢慢跑下跑下，跑步成為了她的習慣，除了跟發哥去跑山外，平日得閒都會響屋企附近緩步跑，更試過一星期跑四日。她指持續跑步後，身體肌肉變得結實，以前以為自己肥，跑後先發現原來自己只係水腫。因為肌肉變多，體重都有上升，不過身形反而有改善，仲可以由著中碼褲變成著細碼。