法令紋太深好顯老?5大方法減慢法令紋形成:按摩 + 鍛鍊面部肌肉

相信法令紋令唔少熟齡女士相當苦惱!長在嘴巴兩邊的法令紋,容易令面頰同嘴睇落好似向下垂,十分顯老。隨住年紀變大,身體無可避免出現一些老化情況,皮膚裡的膠原蛋白、彈性蛋白減少,皮膚下垂、皺紋出現都係正常現象,如果想減慢老化,不妨試試以下幾個方法。

法令紋

5大方法減慢法令紋產生

1. 輕柔按摩面部

想減慢法令紋出現或加深,可以試試按摩面部,用手指從兩邊鼻翼開始,沿住顴骨輕輕往斜上方拉,由下往上的按摩手法亦有助提升面部肌肉,適當的按摩亦有助代謝,不過記住力道必須輕柔,以免過度拉扯皮膚造成反效果。

2. 好好護膚

皮膚太過乾燥會加深皺紋,平日應好好護膚,特別注意保濕。揀護膚品時,可以揀含有膠原蛋白、玻尿酸成分,加強保濕、回復皮膚彈性。搽護膚品時可以同時按摩,幫助肌膚吸收產品,同時減慢紋路形成。

3. 鍛鍊面部肌肉

面部肌肉力量不足,係肌肉鬆弛、欠缺支撐力的原因之一,平時可以透過以下動作鍛鍊面部肌肉:先放鬆面部,然後將嘴角向上抬,重複10至20次;抬頭往後仰,做出「呀」(張大嘴巴)、「嗚」(嘟嘴) 的嘴型,各維持3秒,每日做5組。

4. 注意防曬

陽光中的紫外線會破壞皮膚細胞,造成老化同乾燥,而且無論係晴天同陰天都一樣有紫外線,所以何時何地都要注意防曬,每日出門前搽防曬,太陽猛烈時撐傘或戴帽遮擋陽光直射,以減少紫外線吸收。

5. 補充蛋白質

除了用護膚品外,透過飲食補充對皮膚有益的營養同樣重要。蛋白質係構成人體組織的重要成份,皮膚、肌肉都係由蛋白質組成。攝取蘊含優質蛋白質的食物,例如魚類、雞蛋、豆製品、奶製品等,有助促進膠原蛋白合成,令皮膚變好。

相關閱讀:檸檬水 可凍齡護膚?又平又簡單 飲檸水5大好處