【冬季暖身湯水食譜】蒜頭雞湯促進血液循環、增強免疫力、補充元氣　30分鐘完成

冬天凍冰冰，想保暖不妨煮返個蒜頭雞湯，做法簡單，只需要30分鐘就完成，可以快速補充元氣、增強免疫力。不過落得太多蒜頭容易造成頭暈心悸，想知道雞肉同蒜頭嘅份量點樣拿捏，即刻睇以下食譜啦！

蒜頭雞湯材料：

雞髀 (切件)…… 2-3隻

蒜頭…………… 5兩

鹽……………… 適量

紹興酒………… 適量（可用米酒代替）

清水…………… 1.5L

蒜頭雞湯做法：

1. 蒜頭剝皮，雞髀切件備用。

2. 用小火將其中一半嘅蒜頭炒至金黃色，並䆁放香味。

3. 放入雞髀肉同清水，煮20分鐘。

4. 放入剩下嘅蒜頭，再煮10分鐘。

5. 加入少許鹽同紹興酒/ 米酒 (可不加) 調味，即成。

大蒜營養價值高

除咗飲湯之外，不妨食埋雞肉蒜頭，有助促進血液循環、增強免疫力、補充元氣。煮過嘅蒜頭少咗辛辣感，多咗甜味更易入口。蒜頭入面嘅蒜素成分有抗發炎效果，對多種球菌、桿菌同病毒都有抑制作用。另外，大蒜中嘅植化素同埋硒亦有抗癌功效。

大蒜富含維生素、礦物質（硫胺基酸、蒜素、礦物質鍺、鈣、銅、鐵、鉀、鎂、硒、鋅），

注意蒜頭份量

蒜頭雖然營養豐富，但係始終係刺激性食材，如果短時間內過量食用，有機會刺激身體，造成肚痛胃痛、頭暈心悸。所以必須注意蒜頭份量，不宜超過雞肉嘅的三分之一。另外，如果有慢性病或者高血壓、心血管疾病等，都唔適合短時間內過量進食，以免令血壓過高加劇不適症狀。

相關閱讀：樂齡人保暖法則！冬天必吃8種暖身食物