人生最後悔的事情是… 樂齡人：65歲健康 不如從前，後悔無建立運動習慣、無好好保養牙齒健康
人生總有唔少遺憾，之前有日本雜誌訪問了多位65歲以上的女性，問大家最後悔的事情係咩呢？好多受訪者不約而同地認為 65歲健康 大不如前，所以後悔無建立運動習慣同埋無好好保養牙齒。
退休女性後悔事情頭 5 位 (健康篇)
1. 無建立規律運動的習慣
2. 無每天散步的習慣
3. 無確實刷牙以及照顧牙齒
4. 食太多零食
5. 無定期檢查牙齒
65歲健康 不如從前 後悔無培養運動習慣
好多退休女性隨住年紀增長覺得健康狀況大不如前，而後悔以前無養成運動習慣。她們多數係身體檢查時，發現自己膽固醇過高，或內臟脂肪含量太高，她們認為係長年缺乏運動所致，因為唔鍾意運動，所以從後生到現在完全無做過運動，但她們身邊有定期做運動的朋友，精神同體態都仲係非常fit，令人羨慕。
另外，唔少人擔心自己體力漸衰影響活動能力，所以認為要開始培養定期散步的習慣。醫生建議每日飯後散步至少30分鐘，可以預防血糖上升，仲有預防肥胖的效果。
年紀大了先明白牙齒健康的重要性
除了「運動」之外，好多退休女性都提到「牙齒健康」的重要性，有67歲的受訪者已經需要裝假牙，她指裝假牙之後，吃東西再不如以前般美味。亦有受訪者後悔無定期檢查牙齒，如果有檢查的話，而家應該可以保留更多健康牙齒。
牙科醫師表示，以前有好多關於牙齒保健的觀念都係錯誤，例如：多食硬的食物可以鍛鍊牙齒、用漱口水就唔使刷牙等等，令到好多中高齡人士無建立保養牙齒的習慣。口腔健康同整體健康息息相關，有研究指出，口腔疾病同肺炎、糖尿病有一定關係。
能夠自主活動、自主進食，對晚年生活十分重要，唔單止影響生理健康，對心理層面的影響亦十分深遠。所以趁仲係相對後生，要快點開始培養運動習慣同埋保養牙齒！