fbpx Web Interstitial Ad Example

40歲過後就會有中年牙周病 ? 預防牙周病4大方法 淨係刷牙唔足夠

步入中年,成日覺得牙齒唔舒服?好可能係牙周病作怪!通常響40歲之後,日常生活就嚴重地受到牙周病影響,要預防牙周病,淨係刷牙同用牙線係唔足夠,要了解點樣應對 中年牙周病 ,就要先知道疾病係點形成。

中年牙周病

中年牙周病 到40歲時突然發病?

雖然牙周病響40歲過後特別嚴重,但其實並唔係話去到依個年紀先突然患病,好多時係響20、30歲時已經感染,但人到中年免疫力大不如前,開始抵唔住牙周病菌的攻擊,所以牙周病可以話係牙齒的中年危機。

刷牙唔乾淨 牙菌膜積聚形成牙周病

如果刷牙刷得唔乾淨,無好好清潔牙肉邊緣上的牙菌膜,牙菌膜積聚後,細菌就會分泌毒素,刺激牙肉,造成牙肉發炎,引致牙周病。牙周病通常發生響比較裡面的臼齒區,造成牙縫變大、牙根露出。

牙周病早期、中期、末期症狀

1. 牙周病早期

牙周病早期又稱為「牙齦炎」,依個階段的症狀有牙齦紅腫、掂到牙齦時會痛、刷牙時牙齦容易出血,仲有持續口臭等問題,但仲未對齒槽骨造成破壞。

2. 牙周病中期

牙齒之間的空隙大於 5 毫米就係中度牙周炎,去到依個階段,牙根已經暴露在外,牙齒對冷熱好敏感,咀嚼時都會有痛感或無力。

3. 牙周病末期

末期牙周病又叫「牙周炎」,牙齒間空隙超過 7 毫米,除了上述症狀加劇外,仲會出現牙齒搖動、牙齦萎縮及化膿、牙齒位置偏移等門問題。

中年牙周病-預防牙周病

預防牙周病 4 個方法

預防或治療早期牙周病,只需要努力做好口腔衛生,減少細菌滋生,牙周病有機會自行痊癒。以下係4個簡單護齒方法:

1. 用正確方法刷牙

除了早晚刷牙外,最理想係每次進食後都刷牙。另外,患上牙周病後,由於牙肉發炎,當牙刷刷毛掂到紅腫出血的牙肉時會有痛感,雖然唔舒服,但都要繼續每日早晚刷牙,將口腔裡的牙菌膜徹底清除,以免牙周病惡化。

2. 每日使用牙線或牙縫刷

利用牙線或牙縫刷徹底清潔牙齒同牙縫間的牙菌膜,但同時應避免過度用力,傷及牙齦。

3. 定期檢查牙齒

建議每年見牙醫一次,接受口腔檢查;以及每半年至一年洗牙,清除牙石同牙菌膜。

4. 保持身心健康

保持身心健康,增強個人免疫力,可抵抗細菌攻擊。如果有吸煙的話,建議積極戒煙,可預防患上牙周病。

如果牙周病已經發展成牙周炎,就可能需要進行牙根刮治、牙周手術、牙槽骨再生治療等,好讓牙周組織和牙齦再次癒合,醫治牙周病。

相關閱讀:牙齒健康關係到晚年幸福!唔想50歲就甩牙?8個 中年口腔護理 貼士你要知!

優先訂閱電子報

免費獲取50+精選資訊
掌握最新動向  一起追尋生命的寶藏