護眼抗氧防癌！3大方法提升 紅蘿蔔營養 價值 專家建議煮熟後先好切？切條狀會影響營養釋放？
紅蘿蔔營養 價值高，含豐富β-胡蘿蔔素，每日攝取100克紅蘿蔔就已經達到一日所需。不過紅蘿蔔要點煮先可以保留最多營養？網路流存唔可以同白蘿蔔一齊煮又係咪真？
紅蘿蔔蘊含β-胡蘿蔔素，可以護眼、護膚，提升免疫力，仲有助預防癌症。不過由於β-胡蘿蔔素係脂溶性維他命，遇油先會被人體吸收，所以最理想的烹調方式係用油炒。紅蘿蔔屬於耐煮的蔬菜，同油脂或肉類一齊煮，可令β- 胡蘿蔔素充分溶解出來，提升營養。以下係幾個可以促進β-胡蘿蔔素攝取的方法。
提升 紅蘿蔔營養 3大方法
1. 成條煮熟後切塊，再二次烹調
英國有研究發現，先將紅蘿蔔整條煮熟，然後切塊，再同肉類一齊燉煮，可以令β- 胡蘿蔔素的營養物質比「先切再煮」多1/4 倍。
2. 切絲炒熟後做餡料
先將紅蘿蔔切成細絲，用油稍為炒香，然後做成餡料，例如用來製作餃子、鹹批等，提升營養。
3. 切成輪狀最能保存營養
日本研究認發現，將紅蘿蔔切成輪狀，可以避免β- 胡蘿蔔營養素大量流失。建議使用不規則的滾刀法，因為紅蘿蔔的細胞壁被切斷的面積同長短不一，反而可以增加營養素的吸收。太工整的切法，會令細胞壁太堅硬完整，阻礙營養吸收。所以最理想的切法係輪狀，然後係塊狀，最後先係條狀。