【健康飲食】升糖指數影響血糖上升速度!19種低GI食物 & 12種高GI食物

近年愈來愈多人講升糖指數或者GI,究竟係咩意思呢?升糖指數的英文係Glycemic Index,有時會被簡稱為GI,係指食物響進入人體後對血糖影響程度的數值,數值愈高,代表食物對血糖的影響愈大。

升糖指數

一般來說,食物入面的碳水化合物會轉化成葡萄糖進入血液,引致血糖上升。不過由於各種食物裡面的碳水化合物種類都唔同,變成葡萄糖的速度亦唔一樣,所以血糖上升的速度都有唔同。另外,升糖指數亦會受到其他因素影響,例如食物製作過程、料理、成熟程度、同其他食物配合進食的情況等等。不過由於港式飲食的菜色,多數係由幾種食物混合而成,所以比較難準確計算升糖指數,但升糖指數亦可作參考之用。

以下就為大家分別介紹各種高GI、中GI同低GI食物:

高GI食物

白米、白麵包、饅頭、糯米、薯條、薯蓉、梳打餅、威化餅、鬆餅、南瓜、西瓜、哈密瓜

中GI食物

麥皮、蕎麥麵、米粉、焗薯、消化餅、紅菜頭、香蕉、芒果、菠蘿

低GI食物

全穀麥麵包、通粉、意粉、紅米、粉絲、粟米、茄子、菇菌類、豆、蔬菜、橙、蘋果、桃、梨、車厘子、西柚、奇異果、柑、脫脂、低脂奶及其製品

– 低GI食物有助控制血糖,日常飲食中可以多選擇這些食物。

相關閱讀:控制血糖穩定 3招快速分辨低GI食物