令人年輕10歲的逆齡秘訣！建立7個生活小習慣：牙齒、皮膚、飲食、運動……通通都要注意

明明大家都係50、60歲，點解有些人睇落比較後生，但有些人則已經老態浮現？科學家提醒大家建立以下7個良好的生活小習慣，有助延緩身體老化，令人睇落更年輕。

1. 好好護理牙齒

已經有好多研究證實，口腔健康同衰老有莫大關係，根據美國國家衛生院 (National Institutes of Health) 的資料，口腔衛生不良會導致口腔內細菌過多，會導致蛀牙同牙齦問題，這些疾病其實係慢性發炎。長期慢性發炎會影響免疫系統，減慢其對老化引起的疾病的反應，加快衰老速度。

另外，蘇格蘭的研究發現刷牙可減低患心臟疾病的機率，每日刷兩次牙的人得到心臟病的風險比每日只刷一次牙的人低。建議每次刷牙最少要刷兩分鐘，使用含氟牙膏，並使用牙線清潔牙縫，保持口腔健康。

2. 每天活動身體

長期有運動習慣的人，端粒 (telomere) 會較長。端粒係染色體末端的DNA重複序列，會隨住年紀增加而變短。研究發現，每星期有5日運動30分鐘以上的人，端粒的長度比唔做運動的人年輕9歲左右。

如果真係唔鍾意花太多時間做運動，哈佛大學2013年的一項研究指出，每日只要活動身體15分鐘，已經足夠令平均壽命延長三年。做瑜珈又好、原地踏步又好，最重要係活動一下身體，千祈唔好久坐不動。

3. 注意睡眠質素

瞓覺時，大腦會幫手排除毒素，所以經常唔夠瞓的人會老化得比較快。瞓唔夠當然影響健康，但原來瞓太多亦對身體唔好。有研究指，長期瞓少過7個鐘或每日瞓超過11個鐘，都會令死亡機率增加。

年紀大了容易有失眠問題，建立良好的睡眠習慣有助入睡，例如：盡量定時作息、睡前唔好飲咁多水或攝取咖啡因，營造舒適的睡眠環境等等。

4. 多喝水

攝取足夠水份好處多，有助促進血液循環、排出毒素、改善膚質同膚色等等。

5. 多喝茶

茶葉蘊含茶多酚，有助抗氧化。有研究發現，比起完全唔飲茶的人，每星期飲用綠茶、烏龍茶、黑茶4次以上的人，大腦擁有更強的連結能力，定期飲茶可預防大腦退化。

6. 少攝取糖份

糖份可引致身體慢性發炎、破壞骨膠原，從而導致皮膚老化，過量攝取糖份會令人睇落變得衰老，所以應避免汽水、蛋糕、甜品等高糖食品。

7. 外出前搽防曬

雖說曬太陽可吸收維他命D，但猛烈的陽光同時會傷害皮膚，加速老化及增加患皮膚癌的風險。外出必須搽防曬或穿著防護服裝，也不應在陽光直射的地方曝曬太久。