23/7大暑料高溫34度 天氣熱易動肝火心浮氣躁 3個養生飲食秘訣迎大暑
下個星期六 (7月23日) 就係24節氣中的「大暑」，大暑係一年當中陽氣最盛、天氣最熱的一天，天文台預測當日氣溫會高達34度。
大暑當日高溫加上濕度高，身體排汗多、能量消耗大，容易動肝火，令人心浮氣躁、疲倦渴睡、食慾降低、急躁焦慮等，透過以下3個養生飲食秘訣可以紓緩這些情況。
3大養生秘訣迎大暑
1. 飲食以清補為主
多食清補同健脾開胃的食物，清補的食物包括：綠豆、百合、黃瓜、豆芽等；健脾開胃食物例如：赤小豆、薏仁、粟米、南瓜等。亦可以食西洋參、黃耆，補氣清熱。
2. 宜食苦味食物
苦味食物有助下火同清滯消暑，仲可健脾開胃、增加食慾。而帶苦味的食物含有可可鹼同咖啡因成分，進食後醒腦放鬆，恢復精神。苦瓜、苦蕎麥都係唔錯的苦味食物。
3. 進食瓜類
瓜類大部份都有清熱下火的功能，例如西瓜可以生津止渴、節瓜清熱利尿、冬瓜養胃生津等，都係好適合夏天食的瓜類。